I’m confused of what I’m gonna do

ako si J, gusto nako e share akong story para makakuha usab ko ug tambag gikan sa mga readers.

Naa koy 5 ka yrs nga karelasyon, nagkabuwag me tungod ra sad niya. Dili siya makontento kung unsa akong mahatag mao na sa dihang nagbuwag na me naa koy nakaila nga usa ka girl. Buotan siya maong ganahan ko niya. kauban siya sa akong sister sa work. Pagkakita nako niya nakaingon ko nga siya na akong pakaslan pero maglibog ko usahay kay dili ko ganahan sa among estado, siya professional unya ako dili that time nga nagkakami tabang tabang ra ko sa akong ginikanan sa among negosyo, Ang akong gusto naa koy ikapanghambog sad unta pero bisan pa man ingon ani ra ko kay iya gihapon kong gidawat. Hamgtud niabot ang panahon nga naka decide ko mamalaye na niya kay ready na ko magtukod ug pamilya Pero kalit naay niabot nga problema, nikalit ug balik ang akong ex ug she wants nga niya na lang ko mamalaye ug siya na akong pakaslan. Daghan siya ug storya pero ako niingon ko niya nga dili pwde ky naka set nang ari ko mamalaye sa akong new gf mao to nadayon jud ang pagpamalaye. Nagstart na mi ug plano sa among kasal pero kani akong ex wala gihapon nihunong, magsige ug samok until niabot sa higayon asta akong gf iya na samukon. Sa ikaduhang higayon naglibog na sad ko bisan humana unta ko ug pamalaye kay natandog ang akong garbo kay niana akong ex mao daw kani akong gipa may an ky professionaL man maong kani akong gipili unya unsa ra man daw ko, wala daw koy ikapanghambog. Mao nang naka decide ko nga unya na namo ipadayon ang kasal kung naa na koy kaugalingon nga negosyo kay plano man na nako. I know unfair ko sa akong fiancee kay nidecide ko ug ako ra. Sa sege sad ug samok sa akong ex sa akong fiancee nitoo akong fiancee sa iyang gipanulti mao na until now wala pa madayon among kasal.

Gusto unta ko madayon among kasal pero ambot lang kung iya pa ba kung mapasaylo. Nagbasol ko sa nahitabo kay niabot man sad ang panahon nga na entertain nako ug balik akong ex. Napasakitan nako ang girl nga nidawat nako ug kinsa ko ug bisan usa wala ko kasuway nga naa siyay gipangayo nga butang nako. Lalaki ra ko mao na niangkon ko nga nakasala sad ko sa akong fiancee kay sa pagkakita namo sa akong ex para unta mag closure kay lagi hapit nako maminyo naay nahitabo namo. Perme man gud na namong buhaton na butanga sauna katong kami pa pero kani sa akong fiancee wala na namo mabuhat kay ni respeto ko sa iyang decision nga after na lang sa among kasal. Unsa man kaha ang akong angay buhaton karon para magkabalik mi sa akong fiancee ug madayon ang among planong kasal. Naa na unta koy gamay nga negosyo nga ako gyud. Hangtod ron wala pa mi magka estorya ug tarong kay mauwaw ko niya ug sa iyang pamilya sa nahitabo.Maayo unta inyo kong matambagan sa saktong buhaton.

PS para sa akong fiancee, nang hope imo ni mabasa. Sorry, wala nako gituyo nga mapasakitan tika. Ikaw akong gipili nga pamay an kay ikaw ang akong gusto makauban sa kinabuhi. love tika nang hangtod karon, dako akong pagbasol gyud sa nahitabo. Hinaot usa ni sa way ang akong pag post diri para mag ka storya ta.”